Of Love, Sex, and Babies (Spanish Style)

Ang blog na ito ay tungkol sa isang sensitibong usapin. Rated 18. Patnubay ng magulang ay kailangan.

**********

Si Anna, 16 años, menor de edad, taga Malaga. Buntis. Si Lizette, 20 años, taga Palma de Mallorca. Kailangan daw magpakasal dahil buntis. Si Liza, 22 años, taga Barcelona, single, dalawang beses ng nagpa-abort na hindi alam ng magulang. Si Kharen, 19 años, taga Canarias, single na may isang anak. Si Tracy, 24 años, taga Barcelona, hindi makapagtrabaho dahil sa pag-aalaga ng tatlong anak. Lahat sila ay kabataang Filipina. Lahat sila ay nandito sa España. Sa tingin nila, lahat sila ay nain-love.  Lahat sila, maagang nakipag-sex.

*********

Si Lito, nasa Andorra, 17 años, dalawa na ang anak sa 18 años na nobya.  Si Rico, taga-Madrid, 19 años, katatapos lang magpakasal sa 18 años na buntis na nobya. Si Andrew sa Ibiza, 19 años, ayaw ipakasal ng magulang sa nobyang 18 años na nabuntis nya.  Lahat sila ay kabataang Filipino. Lahat sila ay nandito sa España. Sa tingin nila, lahat sila ay nain-love.  Lahat sila, maagang nakipag-sex.

**********

Ang isyu ng unplanned pregnancy ay hindi bago sa buhay ng mga migranteng Filipino, hindi lamang dito sa España kung hindi sa buong mundo. Ito ay isang katotohanang hinaharap ng mga migrante, at pati na rin ang ating mga kababayan sa Filipinas, lalo na ang mga kabataan. Ang masakit, karamihan sa mga kaso ng unplanned pregnancy ay nagdudulot ng napakabigat na suliranin sa sarili at pamilya ng mga dumaranas nito. Habang meron namang dumaan sa ganitong sitwasyon at matagumpay pa ring naipagpatuloy ang kanilang buhay, meron namang nagsasabi na ang maaga at wala sa planong pagkabuntis ay nagdulot ng problema at hindi inaasahang pagbabago sa buhay ng mga kabataang biglaang naging mga magulang.

**********

Algunas de las razones de los embarazos no deseados es por la influencia de la cultura liberal que hay aquí en España, donde los jóvenes Filipinos ven como es normal mantener relaciones sexuales a una edad temprana. Otra razón es porque se esta perdiendo progresivamente los valores Filipinos de los jóvenes que han crecido y vivido en España. Y porque la gran mayoría de padres están saturados de trabajo, muchas veces ya no están mucho por ellos, ni les prestan la atención que necesitan, ni les dan  las lecciones que deben recibir sus hijos.  

**********

Another possible reason for unplanned pregnancies is the lack or insufficient knowledge of the Filipino youth in Spain on the proper use of contraceptives like condoms and pills. Don´t get me wrong, abstinence from premarital sex is still the best way of preventing unplanned and premature pregnancies. But reality bites and tells us that not everyone practices abstinence, despite the teachings of the church and the counsel of the parents. Faced with this situation, then the proper use of contraceptives becomes a good second option.  This blog is not a judgement on values and morality.  It is about options and responsibility.

**********

Por eso, creo que  el tema del uso de anticonceptivos tiene que empezar por la familia. Ya paso a la historia eso de que se estaba prohibido hablar de ello o se consideraba tabú hablar del asunto entre hijos y padres, indistintamente si era chico o chica. Es mejor hablarlo y aconsejar a los hijos antes de que se metan en el mundo del sexo sin saber las consecuencias a las que se atienen.

*********

Sa mga magulang, baka gusto ninyong turuan ang inyong mga anak bago nila isugal ang kanilang kinabukasan. Kung kayo mismo ay kulang sa kaalaman tungkol sa paggamit ng contraceptives, maraming ahensiya ng España ang maaring magbigay sa inyo ng impormasyon, pati ang inyong mga medico. Sa mga kabataan, ´tol kunting ingat at responsibilidad. Kung pwede, huwag munang makipag-sex hanggat hindi nyo pa kayang balikatin ang maaring kahihinatnan. O kung hindi naman, gumamit ng proteksiyon. Ikaw din, baka maagang matapos ang maliligayang araw ng pagbibinata o pagdadalaga mo at maging magulang ka ng wala sa oras at plano.

**********

Actually, sinulat ko lang itong blog na ito dahil gusto kong magsulat gamit ang tatlong wika: Filipino, English, at Spanish. Nagkataon lamang na sex at contraceptives ang nasa isip ko hehehe Filipino, ang pambansang wika ng ating sariling bayan. English is our second official language and Filipinos are known worldwide to be good English speakers. Y el Español es la lengua casi olvidada que tenemos que volver a adquirir. Y, por supuesto, la lengua de nuestro segundo hogar, madre España.  

Maligayang Buwan ng Wika 2010, Filipinas!

**********

Bonus Video ng kanta ni Dolphy at Panchito:

Hitler, Galit sa Panalo ng Spain sa World Cup!

Medyo matagal ng natapos ang panalo ng Spain sa World Cup 2010. Tapos na ang celebration. Tapos na ang ingay. Ang saya ng mga Spanish noong nanalo sila.  pati tayong mga Pilipino, syempre, nakisaya.

Pero alam niyo ba na si Hitler ay hindi naging masaya, mukhang sa Netherlands siya pumusta.  Ngayon lang na-leak ang galit na galit video ni Hitler nung mabalitaan niyang Spain ang nanalo. Nagsisigaw sya.  Nagwawala. Nakakatakot!  Gyera na kaya ito?

Heto, magrelax at panoorin niyo ang video.  Huwag kakalimutang tumawa o mag-smile, summer naman.  Bakasyon pa!

Si Jenny, 14 Años.

Hindi maiwasang laging maikumpara ang buhay, ugali at sitwasyon ng mga kabataang Pinoy dito sa Spain sa mga karanasan sa Pilipinas ng kanilang mga magulang.  Madalas marinig mula sa mga matatanda ang mga katagang “Noong kami ang mga bata….”, “Mabuti at hindi nyo nararanasan ang mga hirap namin noon…”, “Maswerte kayong mga bata ngayon, noong kami…”.  Minsan, pag nagsimula na ang ganitong usapan, alam na natin ang kasunod: may mapapagalitan na naman.

**********

Paano nga ba ang buhay ng mga kabataang Pinoy ngayon dito sa Spain?  Mas maganda ba kaysa buhay na pinagdaanan ng mga magulang nila?  Nakakasama ba sa mga kabataan ang mga impluwensyang napupulot nila sa labas ng bahay?  Hindi na ba nila dala-dala ang mga magagandang kaugaliang Filipino?  O sila ba ay mas malayo na ang narating kaysa sa kanilang mga magulang?  Mas marurunong na ba ang mga kabataan?  Sila na ba ang uri ng kabataang tunay na PAG-ASA ng ating Bayan?

*********

Si Jenny (hindi tunay na pangalan), isang 14 años na Filipino dito sa Spain.  Apat na taon pa lang sya ng umalis sa Pilipinas at dito na sya lumaki at nag-aral.  Marami na syang kaibigang Spanish at meron ding mga Filipino.  Mabait naman syang bata, pero pakiramdam nya, hindi sya maintindihan ng kanyang mga magulang.  Maraming bagay ang tumatakbo sa kanyang isip, minsan sya ay naguguluhan.  Marami syang gusting gawin at marating sa buhay, pero minsan, sya ay natatakot at nag-aalangan.  Silipin nga natin ang isang kabanata sa buhay ni Jenny sa pamamagitan isang pahina ng kanyang diary:

********

“Me lo estoy jugando mucho,demasiado, nunca lo había hecho. Además es una experiencia nueva, ya que pienso que la vida es corta y hay que aprovechar el máximo tiempo para vivirla, porque cuando te la quiten sabrás entonces lo que significa "vivir la vida". 

Hay veces que pienso si todo esto que estoy haciendo servirá para algo en el futuro, no me arrepentiré, que pasará, pero de pronto digo: LO QUE PASE, PASARÁ y ya está, porqué el destino está hecho, sólo hemos de hacer lo del medio. Que eso depende de nosotros mismos. También pienso que si una persona que quiere, hará todo lo posible para que estéis juntos, para que os llevéis bien. Una vez escuché decir "Kung gusto may paraan, kung ayaw may dahilan." 

En otras ocasiones me han hecho y reconozco que yo he hecho daño a gente. No me gustaría que se volviera a repetir de nuevo, porqué me prometí a mí misma que si salía con alguien era por que lo quería de verdad y para que vuelva a pasar lo mismo paso. 

Pero hay veces que me pregunto con quién pasaré el resto de mi vida, que haré... Primero supongo, que he de tener las cosas claras, estudiar aunque no me guste, tener trabajo, vida simple, marido hijos... Pero todo llegará a su momento, no hay que tener prisa. 

Tengo tantas cosas en mi cabeza que no se por dónde empezar. Si Dios quiere lo lograré aunque sé que está mal, he de seguir mi corazón o sinó al final me arrepentiré. Estoy muy confundida, tengo miedo a todo lo que me vaya a pasar, cada decisión que tome, cada paso adelante que dé. No sé lo que he de hacer, solo que he de seguir mis instintos ya sean bien o mal lo he de hacer porque todo esto es prestado, mi vida, mi familia, mis cosas, todo y lo he de gastar al máximo, disfrutar lo máximo sin temer a lo que pueda suceder en el futuro. a lo que digan o lo que sea, sobretodo hablando del amor. Lo importante es que estoy satisfecha con mis decisiones y no me arrepiento. Sé las consecuencias pero me arriesgo. Soy así.

Alam ko pag tanda ko at nabasa ko 'to, matatawa ko sa lahat ng kalohohan na nakasulat dito.”

********

Ano sa tingin ninyo sa mga kabataang Filipino na tulad ni Jenny?  Sila ba ay nawawala sa tamang landas?  O sila ba ay henerasyon na nangangailangan ng pang-unawa, gabay, pagmamahal at inspirasyon?  Sila ba ay hindi na natin kasing-Filipino o sila na ba ang mga bagong Filipino na bukas ay magtatayong muli ng ating inang-bayan?

At ang tanong sa mga kabataan, handa na ba kayong harapin ang kinabukasan?


Quote:

"¿Donde está la juventud que ha de consagrar sus rosdas horas, sus ilusiones y entusiasmo al bien de su patria? ¿Donde está la que ha de vertir generosa su sange para lavar tantas vergüenzas, tantos crimenes, tanta abominación? ¿Pura y sin mancha ha de ser la victima que habeis de encarnar en vosotros el vigor de la vida que ha huido de nuestras venas, la pureza de las ideas que han manchado nuestros cerebros y el fuego del entusiasmo que se ha apagado en nuestros corazones?  iOs esperamos, o jóvenes, venid que os esperamos!"

---Binigkas ni Padre Florentino sa El Filibusterismo, Dr. Jose P. Rizal, 1891

Kabataang Pinoy, Kumusta Ka Naman?

Kahanga-hanga ang mga batang Pinoy dito sa Spain.  At kapag sinabi kong Pinoy, kasama kayo lahat dun:  mga ipinanganak sa Pilipinas, mga dito na ipinanganak, mga magulang ay parehong Pinoy din, pati yung mga ibang nacionalidad ang isang magulang.  Oo, basta may dugong Filipino, at hindi ka pa matanda, kabataang Pinoy ang tawag sa iyo.  Pati mga medyo may edad na, wag lang SOBRANG gurang, pwede pa ring tawaging, ahemmm... kabataan (pagbigyan nyo na!).

*********

Kumusta naman kayo, mga kabataang Filipino, ayos ba tayo dyan?  Bilib ako sa inyo mga ´tol.  Ang bilis nyong matutong mag-spanish, parang minamani nyo lang.  Pasok lang sa school, nahihiya at natatakot pa kayo nung una, pagkatapos ng ilang buwan, aba ay nagsasalita na ng kastila!!!  Aba eh, nagsisimula ng magkaroon ng mga puting kaibigan.  Habang kaming mga medyo may edad na (medyo lang naman, walang basagan ng trip!), eh inabot na ng taon dito, simpleng Spanish pa lang ang kaya namin, dugo ilong pa!

*********

Pero kumusta ka naman, ok ka lang ba dyan?  Bakasyon sa school ngayon, masarap gumala.  Summer pa!!!  Sa Pilipinas, ayaw mong magpaaraw kapag summer, ang init naman kasi ang sikat ng araw (at ayaw mong umitim).  Nagpapayong ka pa nga sa atin, naaalala mo pa ba?  Sige nga, ngayon, subukan mong magpayong pag namasyal kayo ng barkada mo sa park!!!  Sya nga pala, kumusta naman ang nagdaang taon school, pasado naman o ayaw mo munang pag-usapan?

*********

Anong plano mo ngayong summer, uuwi ba kayo sa Pilipinas ng pamilya mo o gagala ka lang dito sa Spain kasama ang mga barkada?  Ok lang mag-enjoy, wala namang pasok sa school.  Pero tulad ng sabi ni nanay, laging mag-iingat, piliin ang uri ng gimik at tipo ng barkada, at huwag masyadong magpagabi ng uwi.  Maniwala kayo, lahat yata ng anak pinagsasabihan ng ganyan ng mga magulang, kasama na ako dun.  Pati siguro si nanay nyo, pinagsabihan din ng mga magulang nya nung sya ang bata.  Tanungin nyo pa ang lola nyo!  Ok lang naman mapagsabihan ng magulang minsan minsan, kaysa naman dedmahin ka ng nanay mo buong buhay.  Isipin mo yun, sinong magluluto ng pagkain mo at magbibigay ng allowance mo?!  Hirap nun ´tol, hindi yun cool.

*********

Kelan ka huling napalo ng magulang mo ´tol?  Ako, nung edad 9 yata ako, grade 3.  Matigas kasi ang ulo ko, tapos sumagot pa ako sa nanay ko.  Ayun, palo sa pwet, walis tingting pa yata ang hinampas ni mader.  Syempre, umiyak ako nun, tapos nagtatampo.  Hindi ko nga sya kinausap.  Sa isip ko, hindi-hinding kita kakausapin, kahit hanggang bukas, kahit for life!!!!  After 15 minutes, dumaan yung nagbebenta ng sorbetes.  Nanay!!!!!  Pahingi ng dalawang piso!!!!  Ayon, bati na kami.  Pero kung hindi lang dahil sa sorbetes, naku, baka hindi ko pa sya kinakausap hanggang ngayon dahil sa tampo.  Imagine mo yun, pinalo ako???

*********

Dito sa Spain, bawal ang sobrang palo sa anak.  Abuso daw yun, sabi ng batas.  Pwedeng i-denuncia ang magulang.  Karamihan sa mga magulang na Pinoy, ang pagpalo ay pagdidisiplina.  Meron akong nabalitaan, ewan ko kung tsismis lang, na meron ng kabataang Pinoy ang nag-denuncia sa kanyang nanay dahil pinalo sya.  Sa aking tingin, ok lang ang paluin minsan ang bata, huwag lang madalas at yung tipong mata na lang ang walang latay, para madisiplina.  Pero syempre, walang kapalit ang magandang usapan at halimbawa ng mga magulang upang maturuan ng tama ang mga bata.  Kaya ´tol, pag minsan pinagsabihan o pinalo ka, ok lang yan.  Promise, hindi ka namin tatawanan ahahahahaha

*********

Eh pare, ok ka lang ba talaga?  Hindi ka naman nahihirapan mag-adjust sa buhay at kultura dito sa Espanya?  Kung bago ka pa lang dito, hayaan mo lang yan, masasanay ka rin.  Tignan mo yung ibang kabataang matagal na dito, para na silang Spanish: ang suot, ang salita, ang ugali.  Meron na rin silang mga tattoo, may piercing pa.  Yung pamangkin ko ngang lalake na dito na pinanganak, may malaking butas sa tenga ´tol, may malaking hikaw.  May piercing pa sya sa may kilay nya.  Cool, noh?  Ikaw, gusto mo rin ba ng ganun?  Tattoo, butas sa tenga o dila o kilay.  Wag ka lang magpapabutas sa ilong ´tol, magmumukha kang baka o kalabaw.  Hindi cool yun.  Papaluin ka pa ng nanay mo, sigurado ako.

*********

Hindi ka naman feeling lost minsan?  Oo nga, sanay ka na sa buhay dito, may mga ilang kaibigang puti ka na nga eh.  Minsan ba hindi mo nararamdaman na iba ka sa kanila?  Iba ang kulay ng mata mo, iba ang kulay ng balat mo, iba ang kulay ng buhok mo, pango ang ilong mo!  Haha  Oo ´tol, pango ang ilong nating Filipino!  Baka Spanish citizen ka na rin, pero in-na-in ka na ba dito sa Spain?  Hindi ka ba confused minsan dahil ibang-iba ang kultura at ugali nyo sa loob ng bahay kumpara sa mga nakikita mo sa labas?  Sa mga kaibigan mong Spanish, anong tingin at turing sa iyo, Spanish din o Filipino?

*********

´Tol, iba ka kasi Pinoy ka.  Wag kang mawala, wag kang malito.  Taas-noo, Pinoy ka!  Yung mga itinuturo ng nanay at tatay mo, yun ang kultura mo, yun ang kaugalian mo.  Ibang iba iyon sa mga nakikita mo dito, pero makinig at matuto ka lang, itago mo yung mga pangaral ng pamilya mo.  Balang araw, yung mga iyon ang magpapalakas ng loob mo.  Tandaan mo, kahit maging Spanish citizen ka man, Pinoy pa rin yang puso mo, hahanap-hanapin mo pa ring umuwi sa bayan mo.  Hahanap-hanapin mo pa rin ang magandang pakisama ng mga kalahi at kamag-anak mo.  Kaya umayos ka ´tol, ipakita mo ang galing ng Filipino!

*********

Sige, ´tol, gumimik at magparty ka muna, basta alam mo lang ang mali at tama ha?  Alam mo ang bawal at pwede.  Peace, ´tol, ingat ka lagi.  Pero sa September, balik eskwela ha?!